Certamen cum potentioribus funestissimum infirmioribus est, ut Paedri fabella docet. Olim rana, cum ab extrema palude bovem in prato conspexisset, invidia tantae magnitudinis tacta, pellem rugosam inflavit. Tum filios suos appellavit: " In me oculos vestros convertite: ego bove latior sum!". Sed filii negaverunt bovem minorem quam matrem esse. Deinde rana, cum maiore nisu cutem intendisset, rursus eos rogavit: " Uter maior est?". Filii dixerunt bovem maiorem esse. Postremo rana iratissima, dum vult validius se inflare, corpore rupto iacuit.
